Klappentext

I lana tusi ʻua taʻua ʻo le Pōuliuli, tātou te fetaui ai ma le toeaʻina e ʻautū i ai le tala a le atamai o aliʻi, le susuga i le aliʻi tusitala ʻo Maualaʻivao Albert Wendt, ʻo Faleasa Osovae. E fitusefulu ma le ono lona matua, ma ʻo le aliʻi sili i le afioʻaga o Malaelua. ʻUa maleifua ʻo ia i se tasi taeao ma lona ʻinoʻino ʻua matuā mātuiā tele ʻi mea ma tagata ʻuma e pito ʻi sili ona pele ʻiā te ia, ʻaemaise le faʻateʻia ʻo ia lava ina ʻua ia iloa lona sao i lenei faʻalavelave.

E puna le vai o le tōfā loloto ma le mamana o le utaga i le Pōuliuli, ʻona ʻo suʻesuʻga a le aliʻi tusitala e faʻamatala ai le māfuaʻaga o le faʻalēaogāina o le māfaufau o le saʻo matua o se nuʻu. ʻO le Pōuliuli ʻo se tusi e faʻaali ai māfaufauga loloto o le tusitala i pūlega faʻakolone i se sosaiete i fetāulaʻiga ala o tū ma aga faʻaonapō nei, ʻoloʻo tūmau pea le mālosi i aso nei e pei ʻo le taimi muamua na lōmia ai i tausaga ʻua mavae.
ʻO le uluaʻi faʻaliliuga lenei o le Pōuliuli i le Gagana Sāmoa e le tamaʻitaʻi tusitala ʻo Sia Figiel (ma lana ʻaufaʻatonu āloaʻia o le Gagana Sāmoa: ʻo Niusila Faʻamanatu-ʻEteuati, Alvina Lutu, L. V. Letalu, ma Manumaua Luafata Simanu-Klutz). ʻOleʻā ʻavea lea ma se taimi muamua e momoli ai manatu ma māfaufauga o Maualaʻivao i la tātou gagana, ʻina ʻia faʻaopoopo i le tuputupu aʻe o tusitusiga ʻoloʻo ʻua ʻuma ona faʻaliliu mai i isi gagana, i le Gagana Sāmoa.
Pouliuli, Albert Wendtʻs novel that explores the intricacies of the human condition and the complexity of Samoan society, is translated by Sia Figiel into the Samoan language for the first time.